Nagsonggaban ru 2 ka motorsiklo matapos mahueog ru sudlay it babayeng backrider sa karsadahon it Brgy. Andagao, Kalibo, Aklan kahapon .
Naghinyo ru back-rider sa driver it motorsiklo nga sangka 24 anyos nga eaeaki nga pueoton ru nahueog nga sudlay rason ng nagliko ang uwa napan-uhan ru naga paeapit man nga motorsiklo nga halin sa New Washington paadto it Kalibo.
Gina maneho it sangka 30 anyos nga eaeaki ag residente it Brgy. Tinigaw, Kalibo ru motorisklo nga nasunggaban.
Parehong natumba ag nag-angkon it naga kasari-saring lastro sa kaeawasan nga eagi mang gin respondihan it MDRRMO-Kalibo.
Samtang, gin taeana ru settlement it kada panig para sa naga kaigo nga disposition.//MARIVIC Y. ILIN
