BLANGKO pa ang kapulisan sa Lagao Police Station kabahin sa hinungdan nganong ang usa ka tawo gidala sa usa ka tambalanan nga aduna sumala pay samad pinusilan sa sampot nga bahin.
Sa follow up report sa presento tres pinaagi sa imbestigador nga si PMSG Roger Dela Torre ug kaubanan ginasulti nga sa dihang naghimo sila og ikaduha nga pag adto sa tambalanan sa Arradaza st., Brgy. Lagao kung asa nadala ang lalaki nga may samad nga naila sa pangalang Antonio Galvez Yap Jr. 40-anyos wala gihapoy pahayag nga nabuhian ang samaron.
Nakig alayon ang imbestigador sa pamilya ni Antonio, ang impormasyon nga kaadlawon sa Septembre 23 niuli nga nakainum sumala pa og bino ang biktima unya nagreklamo sa kasakit sa iyang samad mao nga ilang gidala sa tambalanan.
Wala usab daw sila nasayod kung usay nahitabo kaniya samtang nagamaniho sa iyang trisikad. I Ver Diazon
