TINGKAGOL karon sa prisohan ang pasahero sa bus nga nagdala’g gituohang shabu, Sabado sa buntag.
Gumikan sa hugot nga inspeksyon nga ginapahigayon sa mga sakop sa Task Force Davao ug Davao City Police Office sa checkpoint sa Brgy Lasang, Bunawan District nasikop ang usa ka Charlton Palmones, 43, minyo ug residente sa Purok 24, Central, Mati, Davao Oriental.
Sakay ang maong suspek sa Public Utility Bus pasulod sa syudad sa Davao ug nakuha sa posisyon niini ang gituohang shabu nga mutimbang sa kapin kon kulang 0.48 grams nga mubalor sa P7,680.00.
Giturnover na ang suspek lakip na ang mga ebidensiya sa Bunawan Police Station ug gihikay na ang kaso nga atubangon sa nasangpit nga dinakpan.
