Nakatanggap ng ulat si National Security Council (NSC) Assistant Director General Jonathan Malaya hinggil sa ilang mga bookstore na nagbebenta umano ng 10-dash line map ng China.
Ayon kay Malaya, nakasaad sa impormasyon na maaring bilhin umano ng mga Pilipino ang ibinebentang bagong mapa ng Beijing.
Giit ng NSC Assistant Director, may pantapat ang bansa sa mapa ng China; pero inaantay pa lamang ang hudyat ni Pangulong Ferdinand ‘Bongbong’ Marcos Jr. na ito’y maaprubahan.
Oras na ilulunsad ito ng Pangulo, maaari aniya itong ipamahagi sa iba’t ibang mga bookstore sa buong bansa, mag-imprenta ng marami, at ilagay sa mga public libraries, paaralan, at lahat ng mga nagnanais magkaroon ng kopya ng bagong mapa ng Pilipinas.
