GIPAHAYAG sa labaw sa Comelec General Santos City nga sa mga Job Order Workers nga nakaduso sa ilang Certificate of Candidacy kinahanglan nga mag resign sa trabaho alang sa delicadeza.
Sumala kay City Comelec Officer Atty. Sharmaine Papandayan Garangan nga bisan kon walay employee employer relationship ang Job Order Workers apan kay ang gobyerno gihapon ang nagapa sweldo sa mga job order workers mao nga mas maayo nga mag resign
Gidugang ni Garangan nga andam usab sila nga mohatag og kopya sa taga LGU Gensan sa talaan sa mga nilansar sa umaabot nga BSKE 2023.
Sa bahin ni City Administrator Atty. Franklin Gacal Jr. gisulti niini nga wala siya nasayod kon pila kabuok nga trabahante gikan sa LGU Gensan ang nagduso sa ilang COC apan nahimo sumala pa nga polisiya ni Mayor Lorelie Pacquaio nga mag resign ang molansar sa piniliay.
Kahibaluan nga sa umaabot na nga October 19 hangtud 28 ang kampanya sa mga kandidato. I Ver Diazon
