LEGAZPI CITY – Maabot sa 50 mga paraoma gikan sa Daraga, Albay an nagpartisipar sa Farmers Field School (FFS) on the Production of High Quality Inbred Rice, Seed Certification and Farm Mechanization.
An mga ini gikan sa Brgy. Inarado asin Gapo, kun sain ipigtukar sainda an manungod sa pagsunod sa tamang oras nin aranihan, tamang pagpamara, paglinig asin an pagtitipon kan paroy, apwera pa digdi nagkaugwa man nin Agro-ecosystem Analysis (AESA) kada Biyernes.
Obheto kaining matawanan nin ideya an mga paraoma manungod sa tamang pag-ataman sa umahan nganing magdakol an ani asin magin progresibo an saindang mga hanapbuhay.
