LEGAZPI CITY – Nakisumaro an Albay Police Provincial Office (APPO) sa pagselebear nin Bamboo Month sa paagi kan Tree Planting Activity.
Segun sa tagapagtaram kan APPO na si PCapt. Kharren Perillo Rañola Formanes, nasa 200 na tangkay nin kawayan an saindang pigtanom sa gilid kan salog na sakop kan Brgy. Binanowan, syudad nin Ligao.
Pinangenotan ini ni APPO Provincial Director PCol. Fernando Cunanan, Jr. kasarabay an personahes kan City Environment and Natural Resources Office (CENRO), Ligao CPS, PNP Advocacy Support Group, Force Multipliers, asin an barangay council.
Obheto na atamanun nin marhay an kapalibutan siring kan bamboo trees na dakulang tabang sa mga namamanwaan orog na sa saindang pagkabuhay.
Poko mas umenos 200 bamboo culms an pinaglalaomang magtalubo makalihis na maitanom an mga ini.
