Aprubado na ng Commission on Appointments (CA) ang ad interim appointment ni Defense Secretary Gilberto Teodoro Jr.
Ayon kay Senate President Juan Miguel Zubiri, naniniwala siya sa kakayahan ni Teodoro at hindi lamang siya ‘qualified’ kundi ‘over qualified kaya suportado niya ang Defense Secretary.
Sinabi naman ni Senate President pro tempore Loren Legarda na taglay ni Teodoro ang kumpyansa na mabibigyan ng seguridad ang territorial integrity ng Pilipinas.
Naniniwala naman si Senador Jinggoy Estrada na ang appointment ng Defense Secretary ay isang ‘inspired choice’ at kaya nitong harapin ang hamon sa usaping teritoryo partikular na sa West Philippine Sea (WPS).
