LEGAZPI CITY – Nakatalaan nang magkaigwa nin pag-orolay an Albay Price Coordinating Council nganing mabantayan an mga presyo kan kilo ki bagas. Katakod pa man giraray ini sa pig-implementar na price ceiling kun sain nasa tahaw sana kan PHP41-PHP45 an mga presyo kan bagas para sa regular milled asin well-milled rice.
Piglalaoman sa orolay na ini na tukaron an mga lakdang kan mga concerned offices nganing masiyertong maray na naiimplementar an kasuguan.
Parte kaini an maigot na pagmonitor sa mga rice retailers sa mga merkado.
Obheto kan mga pag-oorolayang lakdang na maibetaran an posibilidad ki hoarding asin iba pang klase ki negatibong pag-aprubetsar sa price ceiling.
