Arestado ang isa ka mangunguma matapos nakuhaan sang indi lisensyado nga armas-luthang kag mga bala matapos nga gin-implementaran sang search warrant sang mga kapulisan sa Brgy. Quinat-uyan, Maayon, Capiz.
Ginkilala ang naaresto kay Rogelio Alovera, 64-anyos kag residente sang nasambit nga lugar.
Narekober sa paghinakop ni Alovera ang isa ka unit sang .38 Caliber nga armas-luthang nga loaded sang 4 ka mga bala.
Sa karon, nagapabilin sa kustodiya sang Maayon PNP si Alovera kag natalana nga pasakaan sang nagakaigo nga panumbungon. | Judy Ann Juare
