LEGAZPI CITY – Halos apat na aldaw na an nakakalihis poon kan nagbukas an klase sa nasyon, kun sain namantenir kan syudad nin Legazpi na mayong insidente nairehistro.
Segun kay PLt. Col. Jun Iaan Rojas, Chief of Police kan Legazpi City Police Station, gabos na eskwelahan sa syudad, liliboton kan saindang mobile patrols.
Pig-asigurar kan hepatura an seguridad kan mga estudyante, paratukdo asin mga magurang nganing mailikay sinda sa anuman na insidente.
Apwera sa mobile patrol, igwa naman sindang piglatag o dugang na mga personahe sa mga eskwelahan sa centro.
Bako sana eskwelahan an saindang pigtututukan, kundi magin an mga matatawong lugar.
Dugang pa digdi, nakabantay sinda sa mga lugar na igwang magabat na bulos ki trapiko nganing mapadali an pagbyahe kan mga motorista.
Mientrastanto, igwa man su boot sindang katuwang para sa mga hararayong barangay nganing mamanehar an seguridad sa eskwelahan.
