Kinumpirma ng Korte Suprema (SC) na empleyado nila ang nag-viral na dating pulis na nagkasa ng baril sa isang siklista.
Sa inilabas na media advisory ng Kataas-taasang Hukuman, pinatunayan ng SC na nagtatrabaho ang dating police officer na si Wilfredo Gonzales sa ilalim ng opisina ni Associate Justice Ricardo Rosario.
Nakasaad din sa abiso na agad sinibak sa pwesto si Gonzales nitong Agosto 27 nang mangyari ang insidente.
Ayon sa Supreme Court, hindi kinukunsinti ni Justice Rosario ang anumang uri ng karahasan o mapang-abusong gawi ng dating pulis.
