LEGAZPI CITY – Nagpasalamat an Provincial Social Welfare and Development Office (PSWDO) Albay sa Philippine Amusement and Gaming Corporation (PAGCOR) sa pagtao kaini nin donasyon para sa mga pamilyang apektado kan pag-aalburoto kan Bulkang Mayon.
Saro sa mga donasyon iyo an mga food packs, kun sain nasa 152 na sako ki 50kg sinandomeng bagas an pigtao,
Nasa 158 na kahon man na may laog na 48 na delatang karne, asin dakol pang iba an pigtao.
Kun magigirumduman, nainot naman na nagtao an PAGCOR nin nasa 1,200 food asin non-food items sa mga bakwit kan bulkan.
