Na experiensyahan sa probinsya’t Aklan ru sangkring hangin ag mabaskog nga pag-uean sa pilang mga kabanwahunan umpisa pa kagabi hasta kainat aga-aga.
Mapansin nga maskin bukon it apektado ru probinsya’t Aklan sa Bagyong Goring nga may international name nga Saola hay nag-angkon it haeos sang oras nag nadueaan it supply it koryente sa mga kabanwahunan dahil sa mabaskog nga pag-uean.
May mga sanga sigun it kahoy nga naka abang sa mga daean sa mga remote areas pero passable man sa mga vehikulo kabanwahunan it Kalibo.
Mapansin man nga mahina ru internet connection sa mga kabarangayan imaw it mahina ru komyunikasyon.
Sa makaron, naga pabilin gihaon ru manipis nga pag-uean ag magae-umon nga kaeangitan sa probinsya’t Aklan nga umabot sa 28 degrees Celsius.//MARIVIC Y. ILIN
