LEGAZPI CITY – Arestado ang lalaking tulak ng iligal na droga sa isinagawang buy-bust operation sa Brgy. Kimantong, Daraga, Albay.
Kinilala ang suspek na si alyas “Mark”, construction worker at residente ng Brgy. Pawa, Legazpi City.
Batay sa report, nahuli ito sa matapos pagbentahan ang nagpanggap na buyer mula sa mga otoridad.
Nakumpiska rito ang humigit-kumulang 2.5g ng hinihinalang “shabu” na may tinatayang halaga na PHP20,000.
Nahaharap ang suspek sa kasong paglabag sa Republic Act No. 9165 o Comprehensive Dangerous Drugs Act of 2002.
