LEGAZPI CITY – Nasa 95% na an pagigin preparadao kan Department of Education (DEPED) Bicol para sa maabot na burukasan ki klase sa masunod na semana sa Agosto 29.
Ini an sinabi ni DEPED Bicol Regional Director Gilbert Sadsad sa press briefing o an “Oplan Balik Eskwela 2023” kasuhapon.
Kumpyansa ini na an gabos preparado na huli ta nakapagsagibo na sinda ki Brigada Eskwela.
An natatadang 5%, iyo su boot an mga eskwelahan na nagpapadagos pa sa pag-ako ki mga enrollees.
Posible su boot na magkaigwa nin delay sa pagbubukas nin klase sa mga eskwelahan na ini huli ta kaipuhan asikasuhon kan mga paratukdo an mga late enrolles.
Dugang pa kaini, en kaso man na magkaigwa nin kalamidad, inseguida sindang ma-implementar nin distance learning tanganing dae maapektaran an saindang pagklase ngunyan na school year.
