Tiniyak ng Philippine National Police – Internal Affairs Service (PNP-IAS) na sisiyasatin nilang mabuti ang panibago na namang insidente ng pamamaril ng pulis kung saan, menor de edad ang biktima.
Kung maaalala, unang kinumpirma ng Rizal Police ang pagkamatay ni John Francis Ompad – 15-anyos na binatilyong aksidenteng nabaril ng ilang pulis sa bayan ng Rodriguez.
Ayon kay PNP-IAS director Insp. Gen. Alfegar Triambulo – inilunsad na nila ang moto-propio investigaiton para sa insidente.
Kung maaalala, una nang sinampahan ng kasong homicide at attmepted homicide si PCpl Arnulfo Sabillo na naka-assign sa Community Police Action Center (COMPAC) 5 ng Rodriguez MPS.
Sabi ni Triambulo, maliban sa kasong kriminal ay maaari pang maharap si Sabillo sa kasong administratibo.
Kabilang na rito ang grave misconduct at conduct unbecoming of police officer.
