Arestado ang isa ka Top 1 most wanted person sa regional level, Top 4 sa provincial level kag Top 1 sa municipal level matapos ginserbihan sang warrant of arrest sang mga kapulisan sa Barangay Poblacion Ilaya, Maayon, Capiz.
Ginkilala ang akusado kay Jerecho Derramas, 21-anyos, residente sang Brgy. Alayunan sang nasambit nga banwa.
Nagapangatubang si Derramas sang kaso nga 3 counts of Qualified Rape.
Ang warrant of arrest ang gin-isyu kag ginpermahan ni Judge Eric Anthony Dumpilo, RTC, 6th Judicial Region, Branch 14, Hall of Justice Roxas City napetsahan Agosto 14, 2023.
Wala naman sang piyansa nga ginrekomendar ang korte para sa iya temporaryo nga kahilwayan.
Sa karon, nagapabilin sa kostudiya sang Maayon PNP ang akusado para sa nagakaigo nga disposisyon. | Judy Ann Juare
