Balik normal na ang operasyon ng LRT-1 matapos tumalon sa riles ang isang lalaki sa bahagi ng Blumentrit station kaninang umaga.
Ayon sa Department of Transportation, bigla na lang tumalon ang lalaki sa southbound track ng LRT 1 habang paparating ang isang tren.
Nai-apply agad ng train operator ang emergency brake nang tumalon ang pasahero sa riles.
Kasunod ng insidente, ipinatupad ang provisional service mula Baclaran hanggang Central Station kaninang alas-6:12 ng umaga.
Nailigtas ng mga first responders ang pasahero mula sa ilalim ng tren kung saan nagtamo ito ng gasgas sa ulo at naputol ang kanyang kaliwang paa.
Agad siyang isinugod sa ospital at kasalukuyang nasa stable condition.
Ibinalik naman sa normal ang operasyon ng LRT 1 station mag aalas siyete kaninang umaga.
