Malipayon ang 4,574 ka mga senior citizens sa banwa sang Tapaz matapos nakabaton sang tig-P3,000 nga social pension para sa 2nd semester subong nga tuig 2023.
Naglab-ot sa kabug-usan nga P13,722,000 ang gintugyan sang Department of Social Welfare and Development (DSWD) sa local nga gobyerno sang Tapaz.
Tuman naman ang pagpasalamat sang mga katigulangan sa temprano nga pay-out bangud may inugbakal na sila sang ila mga bulong kag iban pa nga kinahanglanon.
Nangin madinalag-on ang nasambit nga distribusyon sa bulig man sang Municipal Social Welfare and Development Office nga ginpangunagan ni MSWDO Josie Cambel kag Office of the Senior Citizen’s Affair. | Judy Ann Juare
