Patay na sang nasapwan sang mga katapo sang Dao BFP, Dao Emergency Response Team kag Guardians Brotherhood Association ang isa ka mister nga ginapahayag missing matapos nalumos sa suba sa Sitio Tacay, Brgy. Astorga, Dumarao, Capiz.
Ginkilala ang biktima kay Wennie Amburgo Ituriaga, 57-anyos, residente sang nasambit nga barangay.
Sandig sa impormasyon nga nakuha sang Brigada News FM Roxas City sa Dao BFP, ginapahayag nga nagalutaw na sang nasapwan ang biktima sa higad sang suba nga sakop sang Brgy. Lawaan sa nasambit nga banwa takna alas 10:30 kahapon sang Miyerkules, Agosto 16.
Matandaan nga ginreport missing ang biktima sadtong tinalikdan nga adlaw sang Dominggo, Agosto 13. Sa karon, yara na ang bangkay ni Ituriaga sa isa ka punerarya sa banwa sang Dumarao. | Judy Ann Juare
