LEGAZPI CITY – Arestado an 43 anyos na lalaki sa Purok 1, Brgy. Barangawon, syudad nin Tabaco huli sa kasong qualified theft.
Binisto an akusado na si alyas “Eugene”, soltero asin residente kan nasambit na barangay.
Segun sa report, naarestar an akusado sa kusog kan mandahamiento de aresto na pirmado kan Octubre 10, 2011 para sa kaparehong kaso.
Maabot sa PHP42,000 na kantidad an piyansang pigrekomendar kan korte para sa saiyang temporamenteng libertad.
Dinara an akusado sa hepatura kan pulisya para sa magkakanigong disposisyon.
