Pilas sa batiis ang naangkon sang 28-anyos nga babayi matapos ginluthang sang isa ka mangingisda sa Sitio Kan-on, Barangay Natividad, Pilar, Capiz takna alas 8:40 sang aga, Martes, Agosto 14.
Ginkilala ang biktima kay Aika Bagona samtang ang suspek amo si Roy Borgonia, 34-anyos kag lunsay mga residente sang nasambit nga barangay.
Sandig sa imbestigasyon sang Pilar Municipal Police Station, samtang nagapanilhig sa ila ugsaran ang biktima, ginapahayag nga may nagluntad nga pagbinaisay sa tunga nila ni Borgonia.
Rason nga gintiro sang suspek ang biktima sa natuo nga batiis gamit ang ginapatihan 12 gauge shot gun.
Gilayon nga ginpadangat sa Bailan District Hospital ang biktima para sa nagakaigo nga pagbulong.
Natigayon man nga nadakpan ang suspek matapos ang ginpatigayon nga hot pursuit operation sang mga kapulisan. | Judy Ann Juare
