Gitambongan sa Office of the Vice President (OVP), pinaagi sa Davao Satellite Office, ang Brigada Eskwela nga gipahigayon sa Vicente Duterte High School ning syudad kagahapong adlawa.
Kini isip suporta ni Vice President ug DepEd Secretary Sara Duterte sa Brigada Eskwela 2023 sa Department of Education (DepEd) aron nga mahimong andam ang mga tulonghaan alang sa subling pag abri sa klase.
Gihatagan og gibug-aton ni Dueterte nga kinahanglang limpyo, orderly ug functional ang mga tulonghaan.
Nanawagan sab si VP Inday og Bayanihan spirit sa mga Pilipino aron nga mutabang sa pagpangandam sa mga eskwelahan karong abri sa klase.
Una na nga gikanayon ni DepEd Spokesperson Jenelito ‘ Dodong’ Atillo nga sa Agosto 29, 2023 ang unang abri sa klase.
