Nagpatigayon sang libre nga basketball clinic ang City government sa pila ka mga kabarangayan sa syudad sang Roxas.
Sa interview sang Brigada News FM Roxas City kay Councilor Bords Viterbo, iya ginpahayag nga ang katuyuan sang sini nga programa agud makatudlo sang basic basketball skills sa mga kabataan nga naga-edad 6 tubtob 18-anyos agud ma-enganyo sila nga mangin active sa sports.
Gintuad man sini nga ang mga nagatudlo sang basketball sa mga kabataan amo sanday Coach Jeffrey Abool, Coach Ramon Buhat, Coach Gerald Artillero kag ang mga Varsity players.
Nagapasalamat man ini sa Brgy. Inzo nga amo ang nag-host sa free basketball clinic sa bulig man nanday Konsehal Paul Ivan Baticados kag Konsehal Earl Sicad kag ang Barangay and SK officials sang nasambit nga lugar. | Judy Ann Juare
