LEGAZPI CITY – Iniheras ni Daraga Municipal Mayor Awin Baldo an saiyang mensahe sa 2023 Search for 10 Inspiring Teachers Awarding Ceremony sa Daraga National High School (DNHS) kasuhapon, Agosto 10, sa The Fort Covered Court.
Segun sa alkalde, an dedikasyon, passion, commitment asin paghurma sa putoro kan mga estudyante, dapat na i-selebrar kan mga paratukdo.
Dugang pa ni Baldo, bako madali an pagtukdo huli ta igwa ini nin kadakol na kinakahampang na mga kaulangan asin problema.
Sa aktibidad, pigdeklarar si Ryan Bañaria komo Most Inspiring Proficient Teacher mantang si Roselle Mirandilla an Most Inspiring Highly Proficient Teacher.
An mga awardee, nakaresibe nin sertipiko asin cash hale sa alkade asin sa School Parent-Teacher Association (SPTA).
