Nakabaton sang bulig pinansyal ang duha ka barangay sa syudad sang Roxas gikan sa gobyerno probinsyal sa idalom sang administrasyon ni Governor Fredenil Castro.
Ini amo ang Barangay VIII kag Barangay Jumaguicjic.
Naglab-ot tanan sa P400,000 ang tseke nga gintugyan ni Gov. Castro kay Punong Barangay Castor Holce Bialen kag Ma. Ligaya Secondez para sa pagpahamtang sang Solar Street Lights sa mga sitio sang ila barangay.
Tuman naman ang pagpasalamat sang duha ka Kapitan sa gobernador bangud makabulig ini sang lubos sa ila pumuluyo. | Judy Ann Juare
