Ginkumpirmar sang kapulisan nga anay nadakpan nga nagaduso sang illegal nga droga ang biktima nga ginluthang-patay sang wala makilala nga suspek kag nakuhaan sang gina-alegar shabu sa Barangay Cogon, Panitan, Capiz.
Matandaan nga ginkilala ang biktima kay Clark Frederick Villaruz, 37-anyos kag residente sang Barangay Ilawod, sa banwa sang Pontevedra.
Base sa record sang Pontevedra MPS, tuig 2016 napasakaan sang kaso nga RA 9165 ukon ‘Comprehensive Dangerous Drugs Act of 2002’ si Villaruz apang nakaguwa ini matapos naka-avail sang pre-bargaining agreement.
Sa karon, blanko pa ang kapulisan sa identity sang suspek samtang nagapadayon pa ila imbistigasyon may kaangatanan sa nasambit nga insidente. | KMD Gicalde
