LEGAZPI CITY – Kinakahandalan ngunyan kan mga residente na maanod an sarong sadit tulay sa banwaan kan Guinobatan, Albay nin huli sa pigrereklamong quarry operation digdi.
An tulay na ini iyo an nasa Brgy. Tandarora, kun sain nahahandal an mga residente sa mga pwedesir mangyari orog na kun magkaigwa ki mga makukusog na pag-uran.
Katakod kaini, puminirma an nasa siyento-kuwatrong mga residente kan naunambitang barangay sa sarong petition letter ta nganing mapapundo na an operasyon kan quarry.
Naipasar na man ini sa regular na sesyon kan Sangguniang Bayan kun sain makondosir na nin inspeksyon ngaring maibetaran an dakulang peligro na posibleng ikawsa ka ini.
Ikokondosir man kan Committee on Public Safety kaibahan an Committee on Environment and Natural Resources kan Sangguniang Bayan an ocular inspection asin joint committee meeting dapit digdi.
