Arestado ang isa ka mister matapos ang ginkasa nga drug buy-bust operation sang gintingub nga pwersa sang Capiz Provincial Police Drug Enforcement Unit, kag Pontevedra PNP sa Barangay Tacas, Pontevedra, Capiz.
Ginkilala ang naaresto kay Sulpicio Devera Jr alyas “Junior Devera”, 54-anyos, residente sang Barangay Timpas, Panitan.
Narekober sa paghinakop ni Devera ang 6 tanan ka sachets sang ginapatihan shabu, motorsiklo, P3,500 nga buybust money kag drug paraphernalia.
Ginabanta nga nagabug-at tanan sang 25 gramos ang nakumpiskar nga droga kag nagabalor sang P170,000.
Sa karon, nagapabilin sa kustodiya sang Pontevedra PNP ang suspetsado kag natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002. | Judy Ann Juare
