CEBU CITY – Posibling karung semanaha adunay itudlo ang Camp Crame nga bag-ong Cebu Police Provincial Office director.
Kini human nga gipahibawo ni PNP Chief Police General Benjamin Acorda nga gimandoan siya ni Presidente Ferdinand ‘Bongbong’ Marcos Jr. nga tangtangon na sa serbisyo ang 18 ka police officials nga niduso ug courtesy resignation diin lakip niini si CPPO Police Colonel Rommel Ochave.
Tungod niini, ang kasamtangan nga officer-in-charge sa CPPO mao ang deputy provincial director for administration nga si Police Lieutenant Colonel Tomas Santander.
Gipasalig hinoon ni PRO-7 Regional Director Brigadier General Anthony Aberin sa publiko nga magpabilin nga maghatag og serbisyo ang kapulisan sa CPPO.//
