Naka-full alert ang mga kapulisan sa banwa sang Sapian bangud sa malawig nga selebrasyon sang Tilibyugan Festival 2023.
Sa interview sang Brigada News FM Roxas City kay PLT. Mary Grace Dela Cruz, hepe sang Sapian PNP, iya ginpahayag nga nagapabilin nga malinong kag wala sang may nabalhag nga anuman nga insidente sa nasambit nga banwa samtang nagapadayon ang selebrasyon sang ila nga kapistahan.
Nahibaluan nga nagsugod ang mga aktibidad sa Tilibyugan 2023 sadtong Hulyo 18 kag magatakop ini subong nga adlaw sang Miyerkules, Hulyo 26.
Madamo naman sang mga pumuluyo ang nagpadulong kag nakigbahin sa amo nga kahiwatan. | Judy ann Juare
