Nagpatigayon it rally ru grupo it Bagong Alyansang Makabayan sa Aklan sa kasagsagan it State Of the Nation Address (SONA) ni Pangueong Bongbong Marcos sa Partrana Park Kalibo kahapon it hapon.
Gin singgit ni Mr. Kimsin Tugna it Bagong Alyansang Makabayan sa Aklan nga gustong ubrahon nga gatasan ru Maharlika Investment Fund it mga congressmen ag senador it nasyon.
Naga-alocate it P500 billon para nga mag invest ru Pilipinas agud maka bulig sa pagtaas it ekonomiya ag trabaho sa mga pumueoyong Pilipinhon .
Pero gin question it grupokun tama gid man ru hambae it gobyerno dahil kun minatud-on hay halin sigun sa buhis it pumueoyo, sa contribution sigun it gobyerno ag mga private workers.
Naga pati si Tugna nga ru Maharlika Invesment Fund hay gin pabugae it gobyerno nga Pilipinas lang sigun ru uwa it investment fund.
Paano sigun mag-angkon it investment ru Pilipinas dahil ru nasyon hay may utang nga mas sobra P13 Trillon.
Kun humambae sigun ru gobyenro hay kueang ru gina allocate nga pondo sa Department og Agriculture (DA), Department of Health (DOH) AG Department of Education (dEPeD), benefits it mga senior citizen ag swldo it mangunguma.
Sa makaron, minilyon sigun nga mga individual run aga pangatubang it Krisi sa nasyon.//MARIVIC Y. ILIN
