Top 4 si Mary Jea Heaven Dela Rosa it Tangalan RHU sa Post Assessment for International Classification of Disease 10th Revision (ICD-10) Training Course for Coders nga ginpatigayun ku July 16-22, 2023 sa Punta Villa Resort Inc., Arevalo, Iloilo, City.
Ro ICD-10 Training Course for Coders hay may tinutuyo nga i-train ro health care providers halin sa nagkasari-saring health facilities sa Western Visayas kaangot sa ensaktong pagrecord it morbidity ag mortality cases pinaagi it paggamit it ICD-10 Codes nga gintukod it World Health Organization (WHO).
Tinutuyo man it nasambit nga training nga mabuligan ro mga health facilities sa Western Visayas nga matuman ro sambilog sa mga requirements para sa licensure of Primary Care Facilities (PCF). // ANN DESLENE SALAZAR
