Dakop sa akto sang mga kapulisan ang isa ka lalaki nga nagapataya sang iligal nga STL Bookies sa Barangay Tacas, Pontevedra, Capiz.
Ginkilala ang nadakpan kay Jolito Cordenillo, residente sang Sitio Tambak, Brgy. Ilawod, sang nasambit nga banwa.
Nakuha sa posisyon kag paghinakop ni Cordenillo ang STL Cotejo, P296 sa nagkalain-lain nga denominasyon kag ballpen.
Magapangatubang sa kaso nga paglapas sa Presidential Decree 1602 nga gin-amyendahan sang RA 9287 ukon “Anti-Illegal Gambling Law” si Cordenillo. Sa karon, yara na ini sa kustodiya sang Pontevdra PNP para sa nagakaigo nga disposisyon. | Judy Ann Juare
