Arestado ang isa ka lalaki nga wanted sa kaso nga pagpanghimulos matapos ginserbihan sang warrant of arrest sa Barangay Alayunan, Maayon, Capiz.
Sandig sa impormasyon nagikan sa Maayon PNP, ang wala ginhingadlan nga indibidwal nagapangatubang sang kaso nga qualified rape (3 counts sang Statutory rape).
Ginpapanaug ang warrant of arrest ni Hon. Eric Anthony A. Dumpilo, Acting Presiding Judge, Regional Trial Court, 6th Judicial Region, Branch 14, Hall of Justice, Roxas City, Capiz napetsahan Hulyo 10, 2023.
Sa karon, nagapabilin sa kustodiya sang Maayon MPS ang akusado para sa nagakaigo nga disposisyon.
