Dakop sa akto sang mga katapo sang Maayon PNP ang isa ka lalaki nga nagapatigayon sang iligal nga STL Bookies sa Barangay Piña, Maayon, Capiz.
Ang wala ginhingadlan nga indibidwal ang naaresto pinaagi sa anti-illegal gambling operation nga ginkasa sang kapulisan.
Nakuha sa paghinakop sang akusado ang cotejo nga may nakasulat nga mga numero, P 50 nga kwarta, kag isa ka ballpen.
Wala naman sang may napakita nga nagakaigo nga permit ukon dokumento ang nadakpan nga otorisado ini nga magpataya.
Sa karon, nakahunong ini sa karsel sang Maayon MPS kag magapangatubang sang kaso nga pagbayolar sa PD 1602 nga amended sang RA 9287.
