Nanguna ang mga Bayan ng Barcelona, Bulusan at Castilla sa kauna-unahang Sorsogon Provincial Inter-Municipality Beach Volleyball Tournament.
Ang Bayan ng Barcelona ang naging Provincial Champion sa Under 18 Female Category na kinakatawan nina Dianne Formento, Alyssa Formento, at Jennelyn Sarmiento.
Provincial Champion din ang Bulusan Water Defender para naman sa Men’s Category na kinakatawan nina Jhon Linder Firmanes, Paul Nathan Fulla at Marx Daiel Fulla na nanguna sa five-to-six scoring lead laban sa mga bayan ng Barcelona, Sta. Magdalena, Matnog, Donsol at Juban.
Champion din ang Bayan ng Castilla sa Women Open Categoty na kinakatawan nina Kalya Jasareno, Kim Charlotte Llaguno at Patricia Lopez Aguila. Second Runner Up rin ang nasabing bayan sa Men Open Category.
Nakuha naman ng Bayan ng Juban ang unang pwesto sa Under 18 Men’s Category at ng Donsol ang pangalawang pwesto.
Nagsimula ang kompetisyon nitong June 10 sa Rizal beach sa Bayan ng Gubat na nagtapos kahapon sa parehong lugar.
