Padayun ro ginahimo makarun nga feasibility study it Department of Public Works and Highways (DPWH) central office kaangot sa gina-propose nga loilo-Capiz-Aklan Expressway (ICAEx).
Ro ICAEx hay gina-propose nga maging sangka full-access controlled toll expressway nga may ap-at nga lanes nga ginaeakipan it elevated roadways, viaducts, tunnel, ag long-span bridge.
May kahabaon raya nga 210 kilometers, nga magaagi sa 20 banwa it tatlong probinsya it Iloilo, Capiz ag Aklan.
Tinutuyo it ICAEx project nga mabawasan ro travel time it mga biyaherong magaagto sa tatlong probinsya ag makatao it oportunidad para mas mapaumwad ro turismo sa bilog nga Panay. // ANN DESLENE SALAZAR
