Iginiit ng Office of the Vice President (OVP) na nagamit nang wasto ang P125 milyon na halaga ng confidential funds noong taong 2022.
Sa 2022 Annual Audit Report ng Commission on Audit (COA), lumabas na ang OVP ay mayroong P125 milyon na confidential funds noong nakaraang taon sa kabila ng hindi paglalaan ng pondo para sa intelligence o confidential funds sa ilalim ng General Appropriations Act (GAA) 2022.
Ayon sa OVP, ang naturang pondo ay nagamit nang wasto para sa layunin nito at alinsunod sa mga alituntuning itinakda ng pambansang pamahalaan.
Samantala, sa kasalukuyan naman ay mayroong P500 milyon na confidential funds sa 2023 national budget na pinamumunuan ni Vice President Sara Duterte. // YMB
