Nadawat na sa duha ka mga witnesses ang P1Million nga reward money human nga gitudlo ang upat ka mga suspek sa milugos-patay kang Architect Vlanche Marie Bragas.
Sumala pa ni Davao City Police Office director PCol. Alberto Lupaz nga sa milabay’ng semana pa nahatag ang tig-500,000 pesos nila ni Alyas Joan ug Alyas Michael.
Gitudlo sa mga witnesses ang mga suspek nga sila Kent Espinosa, Renato Bayansao alyas Empoi, Dennis Panzan ug usa pa ka wala mailhing suspetsado.
Kasamtangan, nagpadayon pa ang imbestigasyon sa SITG-BRAGAS aron nga matumbok na ang Ombak nga maoy gisakyan sa mga suspek ug sa 28 anyos nga architect.
Kahinumdoman nga si Davao City First District Congressman Paolo ‘Pulong’ Duterte ang nitanyag sa P1Million reward money sa makatudlo sa mga suspek nga milugos-patay kang Bragas.
