KALIBO, AKLAN—Nabakunahan eon do 88 anyos nga lolo nga imaw do nailistang kauna-unahang nagpositibo sa COVID-19 ag do una man nga nakarecover sa deadly virus sa probinsya it Aklan.
Nabaton ni Roberto Zubiaga do ana nga 1st dose it Sinovac vaccine kahapon sa Mayor Sol R. Legaspi Memorial Cultural Center, sa Poblacion, Libacao, Aklan.
Kung madumduman, do nasambit nga lolo hay na-admit sa DRSTMH ku Marso 20, 2020 matapos makaangkon it eagnat ag ubo, sang dominggo matapos mag-uli halin sa Maynila.
Kadungan it ana nga pagguwa sa ospital matapos makarecover sa deadly virus hay ginsug-aeaw raya it palakpak ag pagsaludo maghalin sa mga doctors, nurses, ag iba pang staff it ospital. // SHERRY ANNE REUNIR-VIDAL
