LEGAZPI CITY – Nakapagtala ang lalawigan ng Albay ng 12 mga kaso ng COVID-19 ayon sa Provincial Health Office.
Batay sa datos, apat ang naitala sa Legazpi City, tatlo sa Ligao City, dalawa sa Tabaco City, habang pawang tig-iisa naman sa Daraga, Polangui at Rapu-rapu.
Karamihan sa mga nagpositibo ay kasalukuyang naka-admit sa ospital, habang ang natitira naman ay naka-quarantine.
Gayundin, karamihan dito ay nakapagpabakuna, habang ang iba naman ay walang bakuna o inaalam pa.
Wala namang naiulat na bagong gumaling o pagkasawi.
Sa ngayon, nananatili ang paalala ng tanggapan sa publiko na sundin ang mga ipinatutupad na health protocols at magpabakuna upang maiwasan ang pagkalat ng naturang sakit.
