Nasulbad na ang 87% sa mga natalang shooting incidents sa Central Visayas gikan sa buwan sa Enero hangtud Mayo karung tuiga.
Nasayran nga niabot sa 157 ang narekord nga pagpamusil sa tibuok rehiyon.
Gibutyag ni Police Lieutenant Colonel Gerard Ace Pelare, tigpamaba ni Police Brigadier General Anthony Aberin sa Police Regional Office-7 nga kasagaran sa shooting incidents nahitabo sa Cebu City apan 87 porsyento sa maong gidaghanon ang cleared na.
Sa pagkakarun anaa nalang sa 13 porsyento o 20 ka shooting ang under investigation ug padayon nga gitutukan sa mga otoridad.
Gidugang ni Pelare nga ang mga shooting incidents nga nahitabo isolated lang tungod kay kasagaran sa mga hinungdan sa pagpamusil kalabot sa personal nga bangi o ilegal nga drugas.//
