Hindi na raw bubuksan pa ni Senador Bato dela Rosa ang pagdinig ng kaniyang Public Order and Dangerous Drugs Committee hinggil sa pagpaslang kay Gov. Roel Degamo.
Ito ay sa gitna ng isiniwalat ni Justice Secretary Boying Remulla na uuwi na raw ng bansa si suspended Cong. Arnolfo ‘Arnie’ Teves Jr. – bagay naman na pinasinungalingan ng suspendidong kongresista.
Paliwanag ni Dela Rosa, baka raw kasi maakusahan pa sila na masyadong ina-accommodate si Teves.
Idiniin ng senador na binigyan na nila ng sapat na pagkakataon si Teves pero binalewala niya lamang ito.
Dagdag nito, na ang hindi pagdalo sa Senate hearing ni Teves ay sapat nang dahilan para hindi na buksan ng kumite ang na-adjourn nang imebstigasyon. //LGD, edited MHEL PACIA
