CEBU -Nangandam na ang Police Regional Office-7 sa nagsingabot nga kapistahan sa lungsod sa Liloan, karung Mayo 27 ug 28, 2023 human sila nakadawat og impormasyon nga adunay mga tag-as nga opisyal sa gobyerno ang mobisita sa lungsod.
Matod ni Police Lieutenant Colonel Gerard Ace Pelare, spokesperson ni Police Brigadier General Anthony Aberin, pangulo sa PRO-7 nga aduna nay gihimong security plan ang Cebu Police Provincial Office aron masiguro nga malinawon ang maong kalihukan.
Nasayran nga adunay impormasyon nga nadawat ang kapulisan nga mobisita si Presidente Ferdinand Marcos Jr., apan wala pa hinoon kini kompirmasyon.
Gipasabot ni Pelare nga kon ang Presidente ang mobisita sa usa ka lugar, automatic nga ang provincial director sa kapulisan ang magsilbing ground commander ug ang regional director maoy mo-supervise sa security.//
