Nagapadayon ang pagpanagtag sang food packs sang lokal nga gobyerno sang Dao sa mga pumuluyo nga naapektuhan sang pagbaha tuga sang mamunog nga pag-ulan dala sang Low Pressure Area sang nakaligad nga senemana.
Ang dugang nga food packs ang nagikan mismo sa pondo sang local nga gobyerno sang nasambit nga banwa sa pagpamuno ni Mayor Jose Jimbo Barruela kag may yara man sang dugang nga ginpadala ang Department of Social Welfare and Development (DSWD) Region 6 pinaagi sa Municipal Social Welfare and Development Office (MSWDO).
Tinutuyo sini nga mahatagan ang tanan nga apektado nga pamilya sa kutob sang masarangan sang LGU sa bulig man sang DSWD.
Ang balasehan sa pagrelease sang food packs amo ang listahan sang apektado nga pumuluyo nga ginsumiter sang barangay sa MSWDO. | Judy Ann Juare
