Masinadyahon ang pagselebrar sang ika-72 nga kaadlawan sang syudad sang Roxas nga ginumpisahan sang isa ka Thanksgiving Mass nga ginhiwat sa Immaculate Concepcion Metropolitan Cathedral, Roxas City.
Ginsundan ini sang opening ceremony sa Roxas City bandstand kun diin gintambungan ini sang City Government officials amo man ang mga opisyales sang Gobyerno Probinsyal.
Nagpakigbahin sa parada ang 47 ka barangay sang Roxas sa diin may yara sang tiktok competition kaupod ang ila mga lin-ay nga ginkawilihan gid sang mga tumalan-aw.
Personal nga nag-upod kag nagsaot diri si Mayor Ronnie Dadivas, Mga empleyado sang Roxas amo man ang mga department heads kag empleyado sang gobyerno probinsyal.
Sa ulihi nga parte sang programa, ginkilala ang Brgy. Cagay nga nagdaog sa tiktok competition, first runner up ang Brgy. Banica, 2nd runner up ang Brgy. Bago, samtang nakabaton sang award nga Special Jury Prize ang Brgy. Punta Tabuc, kag Special Lin-ay Prize naman ang Brgy. Lawaan. | Judy Ann Juare
