Masobra 534 ka pamilya sa Barangay Balijuagan, Roxas City ang nakabaton sang tig-15 kilos nga bugas gikan sa lokal nga gobyerno sa idalom sang administrasyon ni Mayor Ronnie Dadivas.
Dako ang pasalamat sang mga pumuluyo bangud makapiyan-piyan ini sa ila pang-adlaw adlaw nga pagkinahanglan.
Mahibaluan nga ang Bugas Para sa Taga-Roxas ang kabahin sang Food Security Program sang administrasyon ni Dadivas bilang tabang sa mga pumuluyo sa tunga sang kapigaduhon. | Judy Ann Juare
