Nakabaton sang food packs ang tatlo ka mga barangay nga naapektuhan sang pagbaha tuga sang mamunog nga pag-ulan sang tinalikdan nga semana sa banwa sang Tapaz, Capiz.
Ini ang ginalakipan sang Barangay San Antonio, Garcia kag Daan Banwa.
Ang lokal nga gobyerno sang Tapaz pinaagi sa Municipal Social Welfare and Development Office ang naghatag sang 11 ka mga food packs sa Barangay Garcia; 28 ka food packs naman ang nahatag sa Barangay Daan Banwa kag 23 ka food packs sa Barangay San Antonio.
Tuman naman ang pagpasalamat sang mga resipiyente bangud sa nabaton nga bulig.
